Back إمامية Arabic الاماميه ARZ İmamət Azerbaijani ایمامت AZB Имамилыҡ Bashkir ইমামত (শিয়া তত্ত্ব) Bengali/Bangla Imam xiïta Catalan ئیمامەت (شیعە) CKB Imamate in Shia doctrine English Imamah Spanish
Imamaho aŭ Imamah (en araba: إِمامة imāma, imāmat) estas la termino uzata por priskribi la postenon de la imamo en la diversaj branĉoj de Islamo. En la verkoj de la islama jurisprudenco, kaj de Ŝijaismo kaj de Sunaismo, la vorto "imamo" referencas al la estro de islama ŝtato. Sed la sama termino povas esti uzata ankaŭ en aliaj religiaj kuntekstoj (por ekzemplo, kiel estro por la preĝado).
La plej ofta uzo de la termino okazas en la ŝijaisma islamo. Por la Ŝijaismo, la imamaho estas doktrino kiu asertas, ke kelkaj individuoj de la stirpo de la islama profeto Mahomedo devas esti akceptitaj kiel estroj kaj gvidistoj de la ummao (islama komunumo) post la morto de Mahomedo. La doktrino de la Imamaho asertas krome ke la imamoj posedas diecajn konon kaj aŭtoritaton (Ismah), kaj krome ili estas parto de Ahl al-Bajt, la familio de Mahomedo.[1] Tiuj imamoj havas la funkcion havigi komentariojn kaj interpretadon de la Korano.[2]